Hvað er þetta með bílbeltin...

Mér líður eins og ég sé nakin án bílbeltis. Skil ekki þessa vitleysu hjá þeim sem ekki setja á sig beltið.

Um að gera að hækka bara sektina meira. Er nú ekki betra að vera með bílbelti en að vera dauður.

Þangað til næst....

Sýndi vítavert gáleysi með barn í bifreiðinni

Athugasemdir

[Gunnar Helgi Eysteinsson, 23.7.2007 kl. 15:02]

Í Svíþjóð (allavega í Jönköping) þá er það hluti af kennslunni að keyra á 20 - 30 km/ án belti til þess að "nýi" ökumaðurinn fatti hvað sem skeður. Mér finnst það ansi góð hugmynd.

Ps.
Ég er á smá blogg – flakki.
Mér finnst Blogg.is vera frábært blogg, það er samt alltaf hægt að gera betur. Ég er með nokkrar hugmyndir um betri blogg og því vill ég spyrja þig um að kíkja á þetta "rugl" mitt og segja þína skoðun.  

Þetta er kannski smá hallærislegt, en þetta er mest gert í gríni.
Ef þú hefur áhuga… smeltu þá HÉR!

[Tryggvienator, 23.7.2007 kl. 15:19]

Amm sammála. Mér líður hálf illa í bíl án bílbeltis. Maður er aðeins of laus í sætinnu einhvernveginn.

[Margrét M, 23.7.2007 kl. 15:35]

sammála sko

[Óskar Þorkelsson, 23.7.2007 kl. 15:59]

Ég kenndi óþekktarormunum mínum beltisnotkun eftir þrotlausar tilraunir með því að leyfa þeim að vera beltislaus í aftursætinu og snögghemlaði síðan á 5-10 kmh á bílaplani.. það var smá grenj og væl en það þurfti ekkert að tuða um þetta meir við þau.

[Gunnhildur Inga Rúnarsdóttir, 23.7.2007 kl. 16:07]

Já það veitir ekki af að sýna hvaða afleiðingar það hefur að vera beltislaus í bíl.

[Geir Jónsson (IP-tala skráð) 23.7.2007 kl. 23:13]

Þetta eru mjög ólík dæmi...

Í fyrra dæminu er barn laust í bílnum, ökumaðurinn hlýtur að bera ábyrgð á því.

Hinsvegar er ég ósammála því að það megi sekta fullorðið fólk sem tekur eingöngu áhættuna fyrir sig sjálft. Ef það vill spila með sitt eigið líf þá verður bara að hafa það, ekki sambærilegt því og að leggja aðra í hættu.

Ég er almennt á móti lögum sem þjóna þeim tilgangi að vernda fólk frá sjálfu sér. Fólk verður bara að læra að það á að bera ábyrgð á eigin líkama og heilsu. 

[Gunnar Helgi Eysteinsson, 23.7.2007 kl. 23:33]

Hverjir eru það sem borga fyrir vitleysuna í fólki... jú það eru við! Reglur fyrir þá sem ekki hugsa, takk!

[halkatla, 24.7.2007 kl. 00:41]

ég nota alltaf ósjálfrátt bílbelti, það er hluti af rútínunni við að setjast inní bíl, en mér finnst samt að ef fólk er nógu kærulaust eða vitlaust að "nenna" ekki að setja það á sig þá sé það bara þess mál, það sem getur komið fyrir...

[Guðrún (IP-tala skráð) 24.7.2007 kl. 05:38]

Það er ekki einkamál fólks ef það spennir ekki beltin því það erum jú við, almenningur, sem borgum fyrir heilbrigðiskerfið og bætur til fólks ef/þegar það slasast í umferðarslysum.  

[Gunnhildur Inga Rúnarsdóttir, 24.7.2007 kl. 10:02]

Það má vel vera að það sé þess mál sem ekki notar bílbeltið. Ég og við erum ekki ein í heiminum, ef ég slasast í bílslysi hefur það ekki bara áhrif á mig. Það hefur áhrif á fjölskyldu mína og fólkið í kringum mig.

Beltin Bjarga.

[Geir Jónsson (IP-tala skráð) 24.7.2007 kl. 19:47]

"Það er ekki einkamál fólks ef það spennir ekki beltin því það erum jú við, almenningur, sem borgum fyrir heilbrigðiskerfið og bætur til fólks ef/þegar það slasast í umferðarslysum."

Sameiginlegt heilbrigðiskerfi er ekki réttlæting fyrir fasisma.

T.d. er óhollt mataræði að drepa fleiri en öll fíkniefni til samans... má það ekki lengur vera einkamál fólks?

Er sameiginlegt heilbrigðiskerfi réttlæting fyrir matseðil ríkisins og fleiri stefnur í anda fasisma?

[Gunnhildur Inga Rúnarsdóttir, 25.7.2007 kl. 21:17]

IX. Um notkun öryggis- og verndarbúnaðar.

[Öryggisbelti og annar öryggis- og verndarbúnaður í ökutæki.]1)

1)L. 66/2006, 13. gr.

71. gr. [Hver sá sem situr í sæti bifreiðar sem búið er öryggisbelti skal nota beltið þegar bifreiðin er á ferð.

Ökumaður skal sjá um að í stað öryggisbeltis eða ásamt öryggisbelti noti barn viðurkenndan barnabílstól, beltispúða eða annan sérstakan öryggis- og verndarbúnað ætlaðan börnum lægri en 150 sm á hæð. Ef slíkur búnaður er ekki í bifreið skal nota öryggisbelti fyrir barnið.