Athugasemdir....

Mest spennandi og skemmtilegasta lesningin á blogginu er umræðan sem verður til í athugasemdum vegna færsla sem skrifaðar eru af fólki sem hefur stórfurðulegar og misvinsælar skoðanir á hinum og þessum málum. Innihaldið er nú of ekki upp á marga fiska.

Munnsöfnuðurinn í sumum er eins og á verstu sjómönnum . Ekkert að því að koma með nokkur blótsyrði endrum og eins. Reyndar þegar ég les færslur eða athugasemdir með djö..., helv..., ands... í fjórða hverju orði sé ég bloggarann í anda hamrandi á lyklaborðið hjá sér með offorsi og þurfa svo að skreppa í tölvubúð til að kaupa sér nýtt lyklaborð.

Notið PÚKANN.  Stafsetningavillur eru óþarfi en geta verið ansi fyndnar. Ég meina maður hefur nú lesið blogg sem er eins og stafarugl.

Reynið nú að koma skoðunum ykkar almennilega frá ykkur, að minnsta kosti þannig að maður skilji þær og fái nú ekki hausverk af lesningunni.

Ég hef fengið hausverk á því að lesa færslur/athugasemdir hjá sumum.  Sem dæmi er þessi svakalega umræða sem hefur orðið vegna færslu hjá aðila sem heldur því fram að hvíti maðurinn sé efstur á fæðukeðjunni. Skil það reyndar ekki þar sem við mannfólkið, allavega flest, erum ekki mannætur. Ég skildi ekki meirihlutann af því sem hann skrifaði inn á athugasemdirnar hjá henni Jenný og fékk bara hausverk á því að reyna lesa þetta aftur. Datt helst í hug að hann væri ekki Íslendingur.

Öll umræða er af hinu góða, sérstaklega þar sem við erum ekki öll sammála um allt.

Þangað til næst....

Athugasemdir

[Gunnar Helgi Eysteinsson, 26.9.2007 kl. 15:52]

Góður pistill... takk

[Jenný Anna Baldursdóttir, 26.9.2007 kl. 16:14]