Betri þjónusta....

Mig langar nú bara að segja frá því að eftir að erlendu stelpurnar sem vinna í Subway Ártúnshöfða byrjuðu þykir mér mikið betra að koma þangað. Afgreiðslan er fljót og skilvirk og allt mikið snyrtilegra. Ég var nefnilega hætt að fara þangað. Fannst staðurinn orðinn frekar ókræsilegur.

Ég var ekki einu sinni viss hvort þær væru íslenskar eða ekki. Öll afgreiðslan fer fram á íslensku en þegar ég var að hrósa þeim fyrir afgreiðsluna kom hjá þeim "ég ekki skilja íslensku".

Þangað til næst....

 

Neytendur eiga ekki lögvarinn rétt á að versla á íslensku

Athugasemdir

[Gunnar Helgi Eysteinsson, 1.10.2007 kl. 12:28]

Hættum að kenna íslensku í skólanum
og kennum ensku í staðinn.

[Gunnhildur Inga Rúnarsdóttir, 1.10.2007 kl. 13:12]

Ekki vera sár Gunnar.  Hættum frekar að kenna dönsku.

Það er nú víst bara þannig að það fást ekki Íslendingar eða íslenskumælandi fólk í svona störf.

[Guðrún Sæmundsdóttir, 1.10.2007 kl. 15:29]

ég ætla að fara að tala oftar íslensku við erlent starsfólk, ég ætla að tala hægt og skýrt og með þolinmæði. þetta stress er alveg að fara með okkur!

[Anna Birna (IP-tala skráð) 2.10.2007 kl. 09:31]

fór í krónuna rétt eftir að skólarnir byrjuðu og talaði við 3 starfsmenn engin þeirra talaði eða skildi íslensku..

Sorri en þetta er bara ógeðslega pirrandi ; /

[Ragnhildur Þórðardóttir, 2.10.2007 kl. 11:16]

Það er ekki skrýtið að erlent starfsfólk læri ekki íslensku.   Á Spáni kemst maður ekki upp með neitt annað en að tala spænsku enda lærði maður tungumálið á "no time" en hér nennum við ekki að kenna þeim málið okkar og tölum bara ensku við þau.  Við höfum enga þolinmæði í að stafa ofan í afgreiðslufólk eins og gert er erlendis af því við erum alltaf að drífa okkur.  Fólk ætti að hætta að kvarta yfir að starfsfólk tali ekki íslensku því við getum bara sjálfum okkur um kennt.  Svo má líka bara þakka fyrir að "þetta fólk" nenni að vinna störfin sem við erum of "fín" til að vinna.