Snillingur....

Ég elska heimska glæpamenn og þessi er nú örugglega með þeim heimskari.

Police: Carjacker stops to ask TV news crew for directions

April 24, 2008

CLEVELAND-A carjacking suspect stopped during the crime to ask a television news crew for directions, police said.

The 19-year-old was arraigned Thursday on a charge of aggravated robbery and ordered held on $50,000 bond.

WOIO-TV newswoman Shannon O'Brien and photographer Eric Walls were doing a sidewalk report Monday on bank problems when the passenger in a car asked for directions to a bank. The driver signaled that he was being held at gunpoint, O'Brien told police.

The news crew called police and followed the car until officers caught up. Police Lt. Thomas Stacho said the suspect was carrying a loaded handgun.

Þangað til næst....

Ekkert nýtt af nálinni....

Ég var að hlusta á þetta, gat ekki heyrt neitt sem benti til að hún væri að "spauga".

Ég og mínir skólafélagar urðum fyrir barðinu á óprúttnum fréttamanni fyrir mörgum árum. Hann bjó til fréttir um hvað hverfið sem ég bjó í og skólinn sem ég var í væri fullt af ólátaseggjum, fyllibyttum og dópistum. Þessi "fréttaflutningur" skemmdi möguleika margra að komast í framhaldsskóla utan hverfisins.

Hann "tók" viðtal við dreng sem "slapp" úr þessum sora, í því kom fram að útskriftarárgangurinn (árgangurinn minn) og fyrrverandi skólafélagar drengsins væru fyllibyttur og dópistar, að hann hefði verið heppin að sleppa frá þessu lýð og fara í nýjan skóla.  Þetta "viðtal" var birt í DV. Það kannaðist enginn af okkur (kennurum og nemendum) við að það hefði einhver hætt í skólanum þetta árið og fært sig í annan. 

Hann fór í leiktækjasal og tók viðtöl við krakka sem virtust vera mestu ribbaldar. Það bjó enginn af þessum krökkum í hverfinu, hvað þá að það væri í skólanum mínum. Enginn leiktækjasalur í hverfinu.

Málið endaði þannig að "fréttamaðurinn" þurfti að biðjast afsökunar á þessum rógburð í sjónvarpinu. Ég var samt mörg ár á eftir að heyra fólk tala um hvað við hverfið væri hættulegt.

Það var nú ekki hættulegra en svo að þegar ég var að passa um helgar, þá labbaði ég ein heim um miðja nótt án þess að þurfa að hafa áhyggjur af neinu.

Þangað til næst.... 

Yfirlýsing frá Láru Ómarsdóttur

Sýnishorn....

Ég fór allt í einu að spá í sýnishorn úr bíómyndum.. Þá hvort þau væru í samræmi við innihald myndarinnar.

Það getur verið gaman að sjá sýnishorn úr nýrri mynd. Annað hvort langar manni að sjá hana út frá sýnishorninu eða ekki. Reyndar á það kannski ekki við um myndir eins og Hringadrottinsögu þar sem við sem höfum lesið bækurnar vitum hver söguþráðurinn er og flest okkar höfum líklega séð myndirnar.

Ég, ásamt fleirum geri ég ráð fyrir, höfum lent í því að sjá sýnishorn úr mynd og langa mikið að sjá myndina en orðið fyrir miklum vonbrigðum. Ekki það að sýnishornið væri ekki í samræmi við innihald myndarinnar.. heldur að myndin var bara léleg.

Svo hef ég séð sýnishorn og dauðlangað til að sjá viðkomandi mynd.. og myndin kemur samt skemmtilega á óvart varðandi gæði. Alltaf gaman þegar það gerist.. en það gerist allt of sjaldan.

Ástæðan fyrir þessum hugleiðingum mínum eru sýnishornin sem eru í engu samræmi við innihaldið.

Ég horfði nefnilega á Pan´s Labyrinth um daginn eftir að vera búin að langa til að sjá hana frá því hún kom í bíó. Ástæðan fyrir því er sýnishornið sem ég sá úr myndinni á sínum tíma. Það gaf til kynna að þetta væri ævintýramynd sem gerist undir lok seinni heimstyrjaldarinnar á Spáni. Ung stúlka lendir í spennandi ævintýrum uppi í sveit og þarf að bjarga litla bróður sínum. Vá hvað ég hafði enga hugmynd um hvað ég væri að fara horfa á. Þvílíkt og annað eins ógeð. Það kom hvergi fram í sýnishorninu eða neinu sem ég las í sambandi við myndina að í henni væri stjúpfaðir stúlkunnar í stóru hlutverki sem sadista helv... Það er sýnt þar sem hann drepur á virkilega ógeðfelldan hátt, þar sem hann er að velja pyntingartól til yfirheyrslu og afleiðingar "yfirheyrslunnar". Ég skil ekki þau tugi verðlauna sem myndin var tilnefnd til og vann.

Ég get að minnsta kosti ekki mælt með þessari mynd. Hún er blóðug, ógeðsleg og alls ekki nein ævintýramynd. Langt frá því. Það má vel vera að hún höfði til einhverra og einhverjir séu mér ósammála.

Málið er að ég hefði aldrei horft á þessa mynd ef sýnishornið hefði verið í samræmi við innihald og söguþráð.

Og á meðan ég man.. ég hata fólk!

Þangað til næst.... 

Bílabíó....

Ég fór að passa Sigþór og Bergþór á miðvikudagskvöldið þar sem foreldrarnir ætluðu í bílabíó.

Þegar ég var nýkomin úr vinnunni hringdi Ragnhildur og tilkynnti mér að ég yrði að mæta í kvöldmat þar sem Óli keypti súperhamborgara (140g). Jú, jú. Ég "neyddist" víst til að koma fyrr en áætlað var.  Hamborgarar með beikoni og alles.

Þegar ég var mætt á svæðið fór Óli að undirbúa hamborgaraeldunina. Rosa erfitt, tekið upp George Foreman grillið og því stungið í samband. Eftir 1 stk. risahamborgara og smá franskar valt maður á hlið út af stólnum í eldhúsinu. Ég sá fram á að það besta fyrir mig í stöðunni væri að fara með strákana í bað svo að ég freistaðist ekki til að narta í franskarnar sem voru eftir handa Ragnhildi og Davíð.

Úr baði var farið í spiderman nærföt, Sigþór í Harry Potter náttföt og Bergþór í súpermann náttföt með skikkju um hálsinn. Ég skreið svo með þá upp í sófa til að lesa og ekki leið á löngu þar til Skuggi var mættur. Hann kom sér fyrir í fanginu á mér og malaði og malaði.

Síðan var skriðið upp í hjónarúm lesið smá og svo upp í koju. Ég lagðist í neðri kojuna með honum Bergþóri og var ekki lengi að steinsofna. Já ég. Svaf reyndar ekki nema í rúman hálftíma en hefði gjarnan viljað sofa lengur.

Mér til mikillar gleði datt ég inn á TCM þar sem var verið að sýna Victor/Victoria með Julie Andrews. Æðisleg mynd. Þegar hún var alveg að verða búin, um 11, duttu Ragnhildur og Óli inn um dyrnar. Bíddu, bíddu. Ég átti nú ekki von á þeim fyrr en um 12. þau gáfust víst upp á bíóinu eins og margir aðrir og yfirgáfu svæðið.

Þetta var víst ferlega misheppnað bílabíó. Talið 2 mínútum á eftir og einhverjir kastarar fyrir ofan vegginn sem myndinni var varpað á, kveikt á þeim og þeim var beint í átt að áhorfendum sem þurftu að píra í gegnum ljósin á myndina. Frekar leiðinlegt þar sem það var greinilega hörkustemming fyrir þessu sem sást á góðri mætingu.

Niðurstaðan hjá þeim hjónakornum varð að þau hefðu betur setið heima og horft á Victor/Victoria með mér.

Þangað til næst....

Rockstar....Magni

Þrátt fyrir að það tæki mjög á taugarnar að sjá Magna í þremur neðstu og ég hefði misst alla trú á Supernova ef hann hefði verið látin pakka þá var alveg æðislegt að sjá hann taka Creep. Ég er búin að vera raulandi það í allan morgun. Og það er nú ekki slæmt að hafa þetta lag á heilanum.

Mér fannst Zayra alveg æðisleg í gær. Lagið sem hún tók er með því besta sem ég hef séð hana gera og ég tek það til baka að hún eigi bara að syngja á spænsku. En hún þarf greinilega að kunna lagið almennilega svo hún geti komið því frá sér.

Mig minnir endilega að hún Patrice hafi eitthvað verið að tala um að hún hafi ætlað að taka ballöðu en svo hætt við það og ákveðið að taka alvöru rokklag! Leiðréttið mig ef það er vitleysa hjá mér. Hún var bara jafn ömurleg og venjulega og ég hefði alls ekki verið hissa á því ef hún hefði verið látin fara en ekki Zayra. Ég skildi heldur ekki alveg pælinguna á bak við það þegar Gilby sagði að hún gæti alveg frontað þá. En það er kannski bara ég.

Ég var ekki hissa yfir því að Toby og Storm hefðu verið meðal þeirra þriggja neðstu á meðan kosningu stóð, en ég varð fyrir vonbrigðum að annað hvort þeirra hefði ekki lent í þremur neðstu þegar kosningu lauk. Magni var svo miklu betri en þau bæði til samans að hann átti það alls ekki skilið að lenda í þremur neðstu en þetta sýndi mér hvað munar að koma frá fjölmennu landi. Ég meina við erum svo fá hérna á klakanum og ekki er þátturinn sýndur á besta tíma.

Þangað til næst....

Rockstar....

Þá er ég búin að sjá flutninginn hjá þeim vongóðu.

Zayra á bara að syngja á spænsku. Þetta var fallegt lag en ekkert meira.

Magni var bara helv... góður. Hann heillaði mig með flutningnum. Það voru samt einhverjir taktar í honum sem pirruðu mig, ég er ekki alveg búin að átta mig á hvað það er.

Patrice! Mér fannst hún slátra laginu. Henni er engan veginn að takast þetta.

Lukas fannst mér hálf geðveikislegur á stólnum með gítarinn í fanginu. Á góðan hátt samt. Ekki nógu góður flutningur, en einhverra hluta vegna gat ég séð hann fyrir mér fronta Supernova.

Storm eyðilagði lagið. Hún er með svakalega rödd og hefði getað gengið frá þessu með stæl. Nei henni tókst að klúðra þessu. Vandræðin með lagið voru mikið til í hausnum á henni. Þar sem hún fékk þvílíka bakþanka yfir að velja þetta lag og fór ekki með réttu hugarfari á svið.

Toby! Ég var að horfa á hann og ég þurfti að hugsa mig um til að muna hvaða lag hann hefði tekið. Það segir allt sem segja þarf. Nema kannski að hann var laus við górillu taktana sem fara svo í taugarnar á mér.

Ryan fannst mér alveg ágætur, en ég veit samt aldrei hvar ég hef hann. Ég hef það á tilfinningunni að maður sé að fylgjast með honum fæðast í þættinum. En það er mín skoðun.

Dilana náði að heilla mig eftir miklar hrakfarir. Ég hef ekki verið spennt fyrir því sem hún hefur verið að gera eftir að hún tók Cindy Lauper. En núna var hún langflottust. Röddin á henni er svo æðisleg að hún á bara að vera róleg á sviðinu. Eins og ég hef nefnt áður þá þarf hún ekkert að flippa á sviðinu til að ná til manns, þvert á móti.

Það verður spennandi að sjá hvort Zayra og Patrice komist af þessa vikuna eða ekki.

Þangað til næst....

Rockstar Vegas....skrautlegt vægast sagt

Ég var að horfa á Rockstar Vegas þáttinn. Það var nokkuð augljóst að Jason var ekki par ánægður með hegðunina hjá sumum. Mér heyrðist það á honum að svona framkoma væri ekki það sem þeir væru að leita að. Ég verð nú samt að spyrja mig. Hvað með Tommy Lee? Hann hefur nú látið öllum illum látum úti á lífinu og lent í þvílíkum hasar. Ætli svarið sé ekki bara, Tommy er bara Tommy.

Þangað til næst....

Rockstar í Vegas

Ég verð að horfa á þetta þegar ég kem heim. Miðað við hvað fólk hefur verið að skrifa um hegðunina hjá sumum í hópnum þá virðis "Roadtrip" hafa skotið upp í kollin á þeim þegar Supernova tilkynnti um Vegas ferðina. Þeir eru klókir Supernova rokkararnir.

Rockstar vitleysan.

Já verður maður ekki að láta í sér heyra. Ég get hneykslast endalaust yfir henni Zayru. Hún á heima á sviði í Vegas, ekki í Rockstar Supernova. Ef að manneskjan gæti sungið þá gæti hún alveg frontað bandið. En ég er bara ég og klæðnaðurinn á henni hafði greinilega einhver áhrif á liðið. Varla er fólk að kjósa hana vegna söng"hæfileika". Nóg um Zayru.

Ég varð nú ekki hissa á því að bæði Jill og Josh væru látin fara í gær. Söng-öskrin í Jill fóru greinilega ekki vel í Gilby og Co. og það var augljóst að söngstíll Josh passaði ekki við bandið. Annars var ég mjög hissa á laginu sem hann tók. Gagnrýnin sem hann fékk var sú að þeir vildu sjá hann hreyfa sig meira, en hann stóð bara með gítarinn og söng. Hann var kannski bara búin að fá nóg.

Magni rokkar feitt í þættinum. Hann er æðislegur. Maðurinn getur sungið. Annað en sumir, nefni enginn nöfn en fyrsti stafurinn í nafninu er Zayra.

Dilana er, æi ég veit það ekki, ég er allavega ekki nógu hrifin af því sem hún hefur verið að gera síðustu 2 vikurnar. Ég hafði það á tilfinningunni að hún hefði hringt í 50 Cents eða einhvern rappara og fengið lánaðan texta hjá þeim fyrir áskorunina sem þau fengu í þessari viku. Virkilega hallærislegur texti.

Lukas og Storm hafa vaxið í áliti hjá mér. Hann Lukas var alveg ágætur og Storm verður bara betri og betri.

Toby, Toby, Toby. Kangorilla! Það voru górillutaktarnir enn og aftur. Ég sé hann bara engan vegin fronta bandið. Alls ekki.

Ryan var vel ýktur og átti ekki skilið að lenda í einu af þremur neðstu sætunum.

Patrice er bara Patrice. Mín skoðun er sú að hún þurfi aðeins að breyta um stíl.

Svo er liðið auðvita á leiðinni til Vegas. Það verður gaman að sjá hvernig þau standa sig við breyttar aðstæður.

Þangað til næst.... 

Rockstar Supernova

Þegar ég vissi að Dilana tæki Time after time lagið hennar Cyndi Lauper þá gat ég ekki beðið eftir að sjá hvernig hún kæmi því frá sér. Ég varð sko ekki fyrir vonbrigðum. Seinni hlutinn af laginu var kraftmeiri hjá henni og ég fékk bara gæsahúð. Hún er alveg svakalega góð. Hann Magni sýndi á sér nýja hlið í þáttunum þar sem hann stóð með gítarinn og söng. Það var ekkert sett út á sönginn en þeir vildu meiri kraft í sviðsframkomuna. Sleppa gítarnum. Mér fannst þetta mjög flott hjá honum. Hann stóð sig líka mjög vel sem liðstjóri þegar þau áttu að semja texta við lag og flytja það fyrir Supernova. Það kom í ljós hverjar prímadonnurnar eru.

Mér fannst það nokkuð augljóst að Phil yrði sendur heim en ekki Zayra þegar þau tvö voru orðin eftir. Ég veit að það eru ekki allir sammála mér, en hún hefur svo miklu meira skemmtanagildi fyrir gömlu rokkarana en Phil. Það er annaðhvort það eða hún er búin að sofa hjá þeim öllum. Ég get reyndar ekki beðið eftir því að sjá hvað hún tekur upp á að gera næst. Það má nú samt alveg taka upp hanskann fyrir Zayru því að hún var alveg jafn hissa og allir aðrir yfir því að vera ekki send heim.

Þegar Toby var á sviðinu þá var eitthvað við hann sem fór í mig. Mér fannst hann bara ekki nógu góður. Bróðir minn kom svo með fullkomna lýsingu á því sem mér fannst vera að. "Hann var bara eins og górilla á sviðinu". Nákvæmlega. Mér finnst að hann þurfi aðeins að spá meira í hvernig hann lítur út og hreyfir sig. Uppfæra fataskápinn hjá sér aðeins.

Þangað til næst....