Ónei....

....ég er að verða hinn versti fréttabloggari.

Stóð mig að því áðan þegar ég las fyrirsögnina "Tannbursti fjarlægður úr nefi konu á Indlandi" og las fréttina að mig langaði svo að blogga um hana. Stóðst reyndar freistinguna, ekki þó öðruvísi en það að hérna er ég að skrifa um staðfestu mína við að standast freistingar þær sem mbl.is skellir framan í mann með svona fyrirsögnum.

Mér leið alveg svakalega illa þegar ég las fyrirsögnina "Leit að geimverum hafin í Kaliforníu" sem er inni á Tækni og vísindi á mbl.is og gat svo ekki bloggað um fréttina. Það var ekki tengill til þess. Skil reyndar hugsunina á bæ moggafólks þar sem athugasemdakerfið hefði örugglega sprungið ef það hefði mátt. Fyrirsögnin æpir á mann "skrifaðu eitthvað sniðugt". Mér datt nú reyndar í hug að þeir þarna í Kaliforníu væru að leita langt yfir skammt þar sem Hollywood væri nú full af geimverum. Ef stór hluti af fólkinu þar er ekki frá öðrum hnetti þá veit ég ekki hvað.  

Fréttin er um gangsetningu fullt af útvarpssjónaukum (radiotelescopes) sem notaðir verða til að afla upplýsinga langt utan úr geimnum.

Ef ég væri geimvera forðaðist ég það í lengstu lög að láta mannfólkið vita af mér.

Annars er ég viss um að við séum bara tilraunadýr eða peð í leik hjá einhverjum sem fylgjast með okkur og grenja af hlátri yfir vitleysunni í okkur.

Þangað til næst....

Athugasemdir

[Róbert Björnsson, 17.10.2007 kl. 18:38]

Heyrðu já...það vantar ekki fljúgandi furðufugla og "illegal aliens" í Kalíforníu sko...ég var líka svekktur yfir að geta ekki bloggað um þessa frétt því mig langaði að benda fólki á að SETI @ home verkefnið er enn í fullum gangi, en þar gefst almenningi tækifæri til að taka þátt í leitinni með því að bjóða fram krafta tölvunnar sinnar til þess að vinna úr öllum þessum terabætum af gögnum sem útvarpssjónaukarnir hafa verið að safna undanfarin ár.  Hérna er vefsíða prógrammsins hjá Berkeley háskóla http://setiathome.berkeley.edu/ - um að gera að taka þátt og finna ET